नेपाली हास्यव्यङ्ग्य अनलाइन पत्रिका

अजिर्नो छ कोज्दै अझै थप्छ लादी
रुँदै भन्छ भोको म पाऊँ न आधी
धरामा प्रजातन्त्रको प्रेत जाग्यो
प्रजातन्त्रको कन्धनी छिन्न लाग्यो ॥

दुखी रुन्छ दैनन्य आँखा रुझाई
दिने को छ यो प्रश्नलाई सफाइ
छ के त्यो प्रजातन्त्र आएर भाग्यो
प्रजातन्त्रको कन्धनी छिन्न लाग्यो ॥

खुलाएर भित्री हिया आज बोल्छु
दुखेको कलेजो निचोरेर घोल्छु
जता हेर्छु ईर्ष्या छ आदर्श भाग्यो
प्रजातन्त्रको कन्धनी छिन्न लाग्यो ॥

०००
चौदण्डीगढी न.पा.- ५ सुन्दरपुर, उदयपुर