नेपाली हास्यव्यङ्ग्य अनलाइन पत्रिका

आयो शान्ति भनी यहाँ मुलुकले निश्वास फेर्दै थियो ।
भित्री द्वन्दहरू समाप्त बनिए मस्तिष्क ठान्दै थियो ॥
के हुन्थ्यो र यहाँ समाप्त रण यो संग्राम भो सिर्जना ।
पड्कन्छन् बम बारुदी सुरु भयो फुत्केर जाऊँ कहाँ ॥

काला ती जनयुद्धका दिनहरू आलो बनाई दियो ।
कस्तो काल यहाँ उपस्थित भयो यो राष्ट्र मास्ने भयो ॥
सम्झौता त अनेक नै मनुजले सक्दो गरेकै थियो ।
नाङ्गो पूणर् भएर यो समरमा चुर्लुम्म डुब्ने भयो ॥

एकैरत्ति रहेन है सहजता अत्यासमा छन् मन ।
राजाको प्रतिविम्बमा प्रकट छन् नेतृत्वदायी जन ॥
काटे कष्ट सदैब यो मुलुकको रक्षार्थका खातिर ।
भोग्दा धेर अनिष्ट लौ अब पराकाष्ठा भयो आखिर ॥

०००
चौदण्डीगढी न.पा.- ५ सुन्दरपुर, उदयपुर