पुरूषाेत्तम सिग्देलमूलाबारी जस्तो लाग्छ
प्युने बानी आफैँलाई भारी जस्तो लाग्छ
नटुङ्गिने द्रौपदीको सारी जस्तो लाग्छ ।
साहुनीका नखराले खल्ती सधैँ लुट्ता
आँखा तर्दा तिरिएको जारीजस्तो लाग्छ ।
मधुशालाभित्र पसी मेट्न खोज्दा प्यास
जिन्दगी नै बोतल र झारी जस्तो लाग्छ ।
मातेपछि तागतको लेखाजोखा गर्दा
अजङ्गको नर पनि नारी जस्तो लाग्छ ।
चाख्यो भने छिमेकीले पक्वान्नको भोज
आफ्नो भान्सा हेर्दा मूलाबारी जस्तो लाग्छ ।
राती घर पुग्दा ठोका नखुलेको देख्ता
श्रीमतीले अलपत्र पारी जस्तो लाग्छ ।
विराटनगर
Subscribe
Login
0 Comments
Oldest
