नेपाली हास्यव्यङ्ग्य अनलाइन पत्रिका

सामन्तीका सामु गरिबले किन हाँस्नु नहुने
स्वतन्त्र भई कहिल्यै पनि किन बाँच्नु नहुने ।

गरिबकै पसिनाले ठड्याएर महलहरू
त्यहि महलको पिँडीमा दुखीले सुत्नु नहुने ।

लोकतन्त्र गणतन्त्र घर घरमा आए पनि
निमुखाले किन होला ठाडो शिर पार्नु नहुने ।

शोषण र दमन हुन्छ यहि देशका प्रजालाई
अधिकार खोज्दै आखिर देशमा उठ्नु नहुने ।

दबिएर जिउनु पर्ने सोझा सिधा दरिद्रले
देशद्रोहीले भन्दा अघि प्रजाले बढ्नु नहुने ।

अनारमनी– ७, सैनिकमोड झापा