नेपाली हास्यव्यङ्ग्य अनलाइन पत्रिका

के भयो प्रिया हरपल पोखिन्छु भन्छ्यौ
मनको तराजुमा आफैं जोखिन्छु भन्छ्यौ ।

भन भन मन लागेको भन बाँकी नै के छ र
अरुको के कुरा मलाई नै किन्छु भन्छ्यौ ।

सबकी साझा तिमी सबैकी दिलकी रानी
को बाँकी छ र यमराज त चिन्छु भन्छ्यौ ।

भो मलाई छाड टाढिएरै बसौँ नपरौँ नजिकमा
जे जे दिन मिल्दैन त्यही त्यही दिन्छु भन्छ्यौ ।

न रोक्न, छेक्न र देख्न नै सकेँ के गरूँ गरूँ
उठाएर सारा डनहरू बदला लिन्छु भन्छ्यौ ।

धादिङ, हाल : नैकाप, काठमाडौं