नेपाली हास्यव्यङ्ग्य अनलाइन पत्रिका

युद्ध

असमान टाउकाहरू
एउटा टेबलको वरिपरि
मानौ कुनै वाक युद्धको तयारी ।

प्रजातन्त्र –३

हुनेलाई मस्ती
नहुनेलाई सास्ती
गोप, रेडियो र
टेलिभिजनका
मान्छे उनै हुन्
बानी तिनै हुन्
साँच्चै प्रजातन्त्र त
पुरानो बोतलमा
नयाँ रक्सीजस्तो पो छ !

ठेक्का दिऊँ

जनता गरिबीको समुद्र तर्न
गतिलो नाउको खोजी गर्छ,
नेता स्वार्थ पूर्तिका लागि
सधैँ चुनावको रोजी गर्छ,
चुनावसुनाव भाँडमा जाओस्
देश विदेशीलाई दिउँ ठेक्का
गरे उसैले विकास गर्छ
नगरे मन मौजी गर्छ ।

राहु पस्यो

शान्त थ्यो मुलुक सुखी थे जनता
के दसा लाग्यो र राहू पस्यो ?
यी सिद्धान्त त सब देखावटी हुन्
देश बिगार्नै भनेर छट्टू साहू बस्यो ।

मन्थली, रामेछाप