नेपाली हास्यव्यङ्ग्य अनलाइन पत्रिका

सङ्कटकाल

सङ्कटकालसँगै
भट्टी र भट्टीवाल्नीहरू बढे
रक्सी खाने छुटले
युवाहरू दिउँसै सडकमा लडे,
आस्था र विश्वासको स्खलनपछि
सिद्धान्तहरू पनि सबै डढे ।

परीक्षा

चोरीबाट क्रमशः पदोन्नति भई
डकैतीसम्मै पुगेको छ
पढ्दै नपढी पास चाहिने रोगले
यहाँ शिक्षाको मुहान नै सुकेको छ ।

चल्तीका शब्द

माइक्रो बस सहरमा
माइक्रो मिडी रहरमा
माइक्रो इकोनोमिक्स बजारमा
माइक्रो बायोलोजी हजारमा
चल्तीका शब्दले
सर्मसर्ममै मर्म पार्छ ।

मन्थली, रामेछाप