नेपाली हास्यव्यङ्ग्य अनलाइन पत्रिका

दार्जिलिङ
घुम्न गएँ दार्जिलिङ
‘हमजाएगा’लाई खोजेँ ।
पानीको अभाव रहेछ,
‘मिनरल वाटर’नै रोजेँ ।
कल्पनाको दार्जिलिङ यथार्थमा फरक भो–
न भेटेँ ‘हमजाएगा’ न ‘पारसमणि’
‘भिल्लका देशमा मिल्किन्छ कौडीका भाउमा मणि ।’

काँचो प्रेम
विश्वकप हेर्दाहेर्दै उनीसँग ‘लभ’ प¥यो
विश्वकप सकिएपछि हेर्न जाने ‘जब’ ज¥यो ।
उसको हिजोआज ‘इन्टरभल’ भा’छ–
उमेर नहुँदै प्रेम गर्दा सबै अपजस् भ¥यो ।

कविता
कवि भन्छ –कवितालाई चेतनाको दियो,
अन्याय पर्दा समाजलाई घोचीदिने सियो ।
कल्पनाको फसलमा अभिव्यक्तिको परिश्रम
अग्रगामी प्रगतिको जिम्मा कविले लियो ।

भाषण
नारा फल्ने सिजनमा रासन आउँदैन
घोषणापत्रले मनको बह सुकाउँदैन ।
सडकहरू चुनाव प्रचार गर्न भनी हिँडेछन् –
जनता हो ! कान बन्द गर, भाषणले मात्र परिवर्तन ल्याउँदैन ।

मन्थली, रामेछाप