जे. सागरभुजा ज्यूनार गरिसिन्छ
मैले भात खाँदा हजुर भुजा ज्यूनार गरिसिन्छ,
म मेलो जाँदा हजुर अफिस सवार गरिसिन्छ ।
औकात बिर्सी थकाईले म अल्छी पो निदाउँछु !
हजुर त आँखा चिम्ली गहन विचार गरिसिन्छ ।
म जाबो त दुखीलाई दुईचार पैसा दिने न हुँ !
हजुर टन्नै भेटि चढाई परोपकार गरिसिन्छ ।
यति सस्ता गरिब मान्छे मरुन् न त सडकमा !
आहा !! हजुर कुकुरलाई कस्तो प्यार गरिसिन्छ ।
हजुरले बोलेपछि नपत्याउने कुरै छैन !
घरको ईनार ‘सागर’ भनि बेलिबिस्तार गरिसिन्छ ।
Subscribe
Login
0 Comments
Oldest
