नेपाली हास्यव्यङ्ग्य अनलाइन पत्रिका

जनता
जनता चुनावताका भगवान् हो,
संसद गठन पछि नादान हो ।
हातै काटेर दिएपछि कस्ले हेर्छ र ?
पाँच वर्षसम्म जनता चबाएको पान हो !!

राजनीति
दृष्टांश त महाभारतका छन्
तैपनि राजनीति नशा हो,
जित्नेलाई मालामाल हुने मौका,
हार्नेलाई ‘उल्का र भ्रामरी’को दशा हो ।

शिक्षक
छत्तीस साल भन्दा अघि मान्दथे सबैले
अठ्ठाइस पूर्वको कुरा गन्दथे सबैले,
छयालीसपछि शिक्षकको मनितो हरायो –
राजनीति गर्छन् अब शिक्षकलाई मान्दैनन् कसैले !!

खोजी
मान्छेभित्र पशु छ क्यारे ! ह्वास्सै गनायो
आफू मात्रै बाँचु भन्छ प्रष्टै चिनायो ।
आधुनिकता भित्र मानवता डराएपछि,
दया, धर्म र सहयोग खै ! कता हरायो ?

मन्थली, रामेछाप