राजेश मानन्धर (राजमान)कैले बन्ला संविधान !
उसले सार्यो कुरान अघि, मैले सारेँ गीता
अर्को आई बोल्यो फेरि, ठूलो परमपिता ।
जन्म दिई भोकै मार्छौ, तिम्रो सृष्टिमा नि
लौन प्रभु किन देनौ एकै गाँस सिता ।
रहस्यको पर्दा खुल्यो धेरै पछिबाट
फसाउने रै’छे मोरी पूरै विवाहिता ।
कैले बन्ला मेरो देश, कैले संविधान !
छौ कि कतै लुकी बस्या यसको रचयिता !
सत्य कुरा गरेको छु चित्त नदुखाउनू
मैले बोल्या कुराहरू लाग्न सक्छन् तीता ।
भक्तपुर
Subscribe
Login
0 Comments
Oldest
