जे. सागरबल्ल बुझ्दैछु
कस्ता हुन्छन् धोकेवाज ! बल्ल बुझ्दैछु,
यो बस्ति र यो समाज, बल्ल बुझ्दैछु ।
जन्मभूमि आमा हुन्, छाड्दिन भन्थेँ,
किन चढेँ म जहाज ! बल्ल बुझ्दैछु ।
केटो मनको उदार छ, धोका खान्छ धेर !
बा’ले गर्या यो अन्दाज, बल्ल बुझ्दैछु ।
भात मात्र पकाउँथिन्, पाहुना आउँदा आमा,
किन ढाक्थिन लोकलाज ! बल्ल बुझ्दैछु ।
फोस्रो गजल लेखेर, हातमा लाग्यो उही,
न छ तालि, न छ ताज, बल्ल बुझ्दैछु ।
पेप्सीकोला, काठमाडौं
हाल– आबुधाबी (यु.ए.ई.)
Subscribe
Login
0 Comments
Oldest
