मरुभूमि नारायणजुनीभर यसलाई डस्यो
तिम्रो छोरो सुटुक्क भट्टीमा पस्यो आमा
झड्का पानी खान थ्याच्च बस्यो आमा ।
प्रष्टै देखिन्छ मायाको चर्तिकला अहिले
तरुनीको पासोमा राम्ररी फँस्यो आमा ।
अन्त कतै गाको छैन बास यहीँ छ
हात्ती, गैंडा सरासर यहीँ खस्यो आमा ।
बचेराकी आमा भगाउला जस्तो छ
एक दिन अँगालोमा च्याप्प कस्यो आमा ।
नछोडेपछि अब काला सर्प सर्पिनीले
बुझे भो जुनीभर यसलाई डस्यो आमा ।
तनहुँ
Subscribe
Login
0 Comments
Oldest
