मरुभूमि नारायणहाम्रो दिमाग घुमाइ हाल्छ
भ्रम छर्न, नाटक मञ्चन गर्न कसैले नि सक्दैन रोगीको खुट्टो चुमी हाम्रो दिमाग घुमाइ हाल्छ । साथी हो उचालेको कुकुरले हरिण मार्छ अचेल अमृत देखाएर जनतालाई विष खुवाइ हाल्छ ।
मरुभूमि नारायण :
राम्रो कुरो बोल्नै हुन्न सरकारले समाइ हाल्छ
मान्छे रोडमा ढल्नै हुन्न खुसीले रमाइ हाल्छ ।
नारा, जुलुरु, भीड देख्दा सरकार खुशी हुन्छ
आफ्नो ठाउँमा प्रहारको अखडा जमाइ हाल्छ ।
आफ्नै देशका जनतालाई आप्रबासी बनाएर
जसरी नि कमाउनु छ सरकारले कमाइ हाल्छ ।
जुन जोगी, आए पनि कानै तासेको आउने हो
नयाँ भन्नेले नै पुरानाको बिंडो थमाइ हाल्छ ।
भ्रम छर्न, नाटक मञ्चन गर्न कसैले नि सक्दैन
रोगीको खुट्टो चुमी हाम्रो दिमाग घुमाइ हाल्छ ।
साथी हो उचालेको कुकुरले हरिण मार्छ अचेल
अमृत देखाएर जनतालाई विष खुवाइ हाल्छ ।
०००
तनहुँ
Subscribe
Login
0 Comments
Oldest
