नेपाली हास्यव्यङ्ग्य अनलाइन पत्रिका

मरुभूमि नारायण :

तिमी मान्छे होइनौ रहेछौ थाहा भयो ।
थु: गरेको मान्छे नै अहिले आहा भयो ।

सजिलै छिनछिनमै रङ बदल्ने रहिछौ
छेपारो नि पदोन्नति भएर पाहा भयो ।

फूलले सम्मान गर्दा अपमान गरिथ्याै
ऐले गोबर पनि तिमीलाई वाहा भयो ।

मान्छे मानेकी थिइनौ मलाई त्यतिखेर
ऐले मेरो प्रगतिमा किन डाहा भयो ?

मलाई उतिबेला जिउँदै मारेकी थियौ
ऐले किन तिमीलाई मेरो चाहा भयो ?

तपाईंले कसैलाई प्रेम नगर्नुस् साथी
प्रेमकै पछिलाग्दा जीवन स्वाहा भयो ।

०००
तनहुँ