नेपाली हास्यव्यङ्ग्य अनलाइन पत्रिका

पुरूषाेत्तम सिग्देल :

भज मन्त्र अपार जये रुपियाँ
किनिने छ नि न्याय भए रुपियाँ

यदि ज्यान सजाँय मिलाेस् थुनुवा
छिनिने घुसले छ भरे रुपियाँ

अझ मन्त्र सुनाउनु कार्टुनमा
भर स्याउ भनेर कसे रुपियाँ

बुझ काे छ सुराक दिने छरिताे?
गर गुप्त तयार मिलून् रुपियाँ

तँ मिला यत खा तर नाेट उठा
अति गाेप्य मिलाइदियून् रुपियाँ

निमुखाे त अझै छ निचाेरिनमा
ऋण नै कबली भरियून् रुपियाँ

झगडा तकरार बढे जति नै
फलिफाप भई छरियून् रुपियाँ

चुहिने अझ द्रव्य दुलाे छ कहाँ ?
चिर भ्वाँङ बडाे छिरियून् रुपियाँ

सपनी रुपियाँ जपनी रुपियाँ
छ नियाँ दुनियाँसित छन् रुपियाँ

छ दशैँ र तिहार भए रुपियाँ
कतिका त बसैँ नभए रुपियाँ

चढिनै छ चिता तब के रुपियाँ ?
निज देहसँगै जल है रुपियाँ ।

०००
२०८३/६/३१ ।