नेपाली हास्यव्यङ्ग्य अनलाइन पत्रिका

नदी भट्टराई

नजरमा हराएँ बदन त्यो लजायो
नयनमा मुनाझैँ मदन पो लजायो -१

सधैँ देख्छु उनको उज्यालो कलेवर
उता चन्द्रमाको कला जो लजायो -२

घडेरी छ दिलको मझेरी समीप
छ बाँकी चिनारी र बाटो लजायो -३

म सुन्दैछु बोली अरूमाझ नौनी
ममा मोहिनीको झझल्को लजायो -४

कटाक्षार्थ भाषा रमाएँ नबुझ्दा
यही काल आभा उपल्लो लजायो -५

सधैँ देख्न पाऊँ पधेँरी बगैँचा
त्यतै बोल्न खोज्थेँ र नातो लजायो -६

बिहानी सुनौलो धरा लाग्छ खास
उनी हुन् कि गोधूलि चासो लजायो -७

०००
इलाम