नेपाली हास्यव्यङ्ग्य अनलाइन पत्रिका

सुदन लुइटेल :

भगवान हुन्थे त महाबिपत्ति रोक्न अगाडि आउनु पर्ने
आफ्ना सन्तानहरुलाई अकाल मृत्युबाट बचाउनु पर्ने

सर्वब्यापी सर्बशक्तिमान सर्वज्ञानी चमत्कारी तिमी
हराएका सन्तानलाई भगवानले खोजेर ल्याउनु पर्ने !

मानौ ठुलाले पाप गरे अबोध बालबालिकाले के गरे ?
अनाथ बच्चाहरुलाई बिना कारण टुहुरो बनाउनु पर्ने ?

सुत्केरी आमा बाढीमा बगिन् दुधे बालक जोगाएर
बोल भगवान बालक रोइरहेछ दुध चुसाउनु पर्ने !

कैलाश यात्रा तिम्रै चरण छुन आएका होइनन् र भक्तहरु
दुखहर्ता पालनकर्ता भन्थे हराएकालाई तिम्ले जोगाउनु पर्ने !

०००
तीनथाना, काठमाडाैं