सुदन लुइटेलकिन बेखबर हुन्छ सरकार ?
भोका नाङ्गा पेटहरुलाइ गरिबिले गिज्याइरहेछ यहि माटोमा जन्मियेसी बाँच्ने रहर हुन्छ सरकार ! हाम्रो मेहनतको झुपडीले तिम्रो स्वरुप बिगार्यो ठिकै छ धनीहरुको मात्र सहर हुन्छ सरकार !
सुदन लुइटेल :
गरिबको पीडामा किन बेखबर हुन्छ सरकार ?
घर नहुनेहरुको कहिले घर हुन्छ सरकार ?
एक टुक्रा जमिनको लोभले वर्षौं ढुकिरहे
दिनुपर्नेले नदियेसी कस्को भर हुन्छ सरकार !
बर्खा लाग्यो घरिघरि आउँछ बाढी पहिरो
पुरिन्छ कि बगिन्छ रातदिन डर हुन्छ सरकार !
भोका नाङ्गा पेटहरुलाइ गरिबिले गिज्याइरहेछ
यहि माटोमा जन्मियेसी बाँच्ने रहर हुन्छ सरकार !
हाम्रो मेहनतको झुपडीले तिम्रो स्वरुप बिगार्यो
ठिकै छ धनीहरुको मात्र सहर हुन्छ सरकार !
०००
तीनथाना, काठमाडाैं
Subscribe
Login
0 Comments
Oldest
