बूँद रानाजहाँ सन्धी भयो आगो र पानीको
बनोस् नौनी भनेरै जिन्दगी घोंट्यो कहाँ आफ्नो भयो नौनी मदानीको । सबैले जिन्दगी केहो ? भनी जानुन् कहानी लेखियोस् यस्तो खरानीको ।
बूँद राना :
जहाँ सन्धी भयो आगो र पानीको
समस्या बल्झियो झन् जिन्दगानीको ।
नतीजा नै न सोची दिल दिने गर्छन्
यही हो खासियत भन्छन् जवानीको ।
भलै निद्रा बिथोलोस् छट्पटी देओस्
सबैले गर्दछन् खोजी सिरानीको ।
बनोस् नौनी भनेरै जिन्दगी घोंट्यो
कहाँ आफ्नो भयो नौनी मदानीको ।
सबैले जिन्दगी केहो ? भनी जानुन्
कहानी लेखियोस् यस्तो खरानीको ।
०००
भैरहवा
Subscribe
Login
0 Comments
Oldest
