बूँद रानाबर्खी बार्दैछ देश मेरो !
नौलो निवास खोज्ने खाँचो भएर हो कि? त्यागी बसाइँ गुन्टा सार्दैछ देश मेरो ! सन्देश सुन्न ऐले यी कान कल्पिँदैछन् अन्योलको तुवाँलो फार्दैछ देश मेरो !
बूँद राना :
कोरा बसेर बर्खी बार्दैछ देश मेरो !
कल्ले जितेछ बाजी हार्दैछ देश मेरो ?
बिर्स्यौं कि वीर गाथा! पानी मर्यो कि केहो ?
गद्दारले निमोठी मार्दैछ देश मेरो !
रोएर बस्नलाई पोखोस् कहाँ छ आँसू !
रक्ताम्य आँसु आफू झार्दैछ देश मेरो !
ज्यानै म दिन्छु भन्ने बाचा रह्यो कि बाँकी
आएर काल ज्याद्रो खार्दैछ देश मेरो !
हो आँट खासमा यो के भन्नु हो निराशा
माझी विहीन डुङ्गा तार्दैछ देश मेरो !
नौलो निवास खोज्ने खाँचो भएर हो कि?
त्यागी बसाइँ गुन्टा सार्दैछ देश मेरो !
सन्देश सुन्न ऐले यी कान कल्पिँदैछन्
अन्योलको तुवाँलो फार्दैछ देश मेरो !
हो माग यो सदीको, हो पाठ जिन्दगीको
आफ्नो नसीब आफै नार्दैछ देश मेरो !
यस्ता सयौं बवण्डर टार्ने गरेर आयो
राखेर धैर्य खड्गो टार्दैछ देश मेरो !
०००
रूपन्देही
Subscribe
Login
0 Comments
Oldest
