बूँद रानामान्छे बनेर हुस्सु
भागूँ भनेर बाटो खोज्दैछ बाजले सुन्दैछु लौ भँगेरा निस्के शिकारमा ! दूबो भरी छपक्कै देखिन्छ बूँद हो आकासमा कहाँ पो बस्थ्यो करारमा !
बूँद राना :
किन्ने र बेचिने छन् निक्कै हतारमा
मान्छे पुगेछ ऐले सट्टा बजारमा !
कैले हुने चनाखा माछा तलाउका ?
मौका ढुकी बकुल्ला बस्छन् किनारमा !
के हो बनाउने त्यो आफ्नै छ हातमा
मान्छे बनेर हुस्सु खोज्छन् निधारमा !
लागेछ घाम भन्छन् कस्तो बिडम्बना
देख्तैछु रात कालो रुन्चे मुहारमा !
‘सन्चै छु है’ त भन्छौं साँच्चै भनौं भने-
चल्दैछ जिन्दगानी मर्मतसँभारमा !
भागूँ भनेर बाटो खोज्दैछ बाजले
सुन्दैछु लौ भँगेरा निस्के शिकारमा !
दूबो भरी छपक्कै देखिन्छ बूँद हो
आकासमा कहाँ पो बस्थ्यो करारमा !
०००
भैरहवा
Subscribe
Login
0 Comments
Oldest
