नेपाली हास्यव्यङ्ग्य अनलाइन पत्रिका

देवीप्रसाद मिश्र :

आधार सत्यकाे हाेस् ! फालाैँ असत्यलाई ।
सद्भाव गुम्न लाग्दा कल्ले समाल्छ भाइ ?।।
बेला अमूल्य आयाे सल्लाह गर्न थालाैँ।
वृद्धा र वृद्ध भन्छन् सोचेर भोट हालौँ ।।१।।

विश्वास छैन भन्दै मानेर हुन्न हार ।
पर्नेछ फेर्न राम्रो नेपालकाे मुहार।।
नेतृत्व हाँक्न सक्ने सत्पात्र चुन्न थालाैँ।
वृद्धा र वृद्ध भन्छन् सोचेर भोट हालौँ।।२।।

मात्रै रटान गर्छाैँ, हाेस् देशमा विकास ।
छन् भित्रका समस्या झन् आज रासरास।।
ॐकार सार सङ्लाे हिन्दुत्व हाे नफालाैँ ।
वृद्धा र वृद्ध भन्छन् सोचेर भोट हालौँ।।३।।

हावा कुनै नराम्रो आलाेकमा नआओस्।
आफू मरेर जाँदा नेपाल बाँच्न पाओस् ।।
चाहिन्छ स्वाभिमानी नेता नियाल्न थालाैँ।
वृद्धा र वृद्ध भन्छन् सोचेर भोट हालौँ।।४।।

याेद्धा अनेक हाम्रा याे राष्ट्रका पुजारी ।
खाेजेर राेजगारी जान्छन् समुद्र पारी ।।
उद्योग खै त हाम्रो देखिन्न बाेल्न थालाैँ ।
वृद्धा र वृद्ध भन्छन् सोचेर भोट हालौँ।।५।।

०००
काठमाडाैं