नेपाली हास्यव्यङ्ग्य अनलाइन पत्रिका

देवीप्रसाद मिश्र :

पीडा सबै सकसका गुठुराे बनाई
राखेर भित्र दिलमा करुणा जगाई
आभा दिने अनुजका हितमा तमाम
यी ज्येष्ठ नागरिकमा छ सदा प्रणाम ॥१

सन्तानमा प्रगतिकाे रसिलाे मुहान
देखाउने सबल लक्ष्य अगाडि जान
बाटो भुले यदि भने, बनिने लगाम
यी ज्येष्ठ नागरिकमा छ सदा प्रणाम ॥२।।

चन्द्रार्कझैँ हृदय नित्य प्रदीप्त पारी
हाम्रा निमित्त जहिल्यै बनिने छहारी
सिक्छाैँ यिनैसित विहङ्गम कामदाम
यी ज्येष्ठ नागरिकमा छ सदा प्रणाम ॥३ ।।

छन् कर्ममा अनुभवी पर हेर्न सक्ने
सङ्कल्पमा अहित साेच लिई नडग्ने
भेटिन्न खास पर मात्र कुदेर राम
यी ज्येष्ठ नागरिकमा छ सदा प्रणाम ॥४ ।।

चैतन्यकाे मगजभित्र छ रासरास
हुन्नन् ठुला कहरमा कहिल्यै निराश
जप्दै खुलेर दिलले अनमाेल नाम
यी ज्येष्ठ नागरिकमा छ सदा प्रणाम ॥५।।

०००
काठमाडाैं