बूँद रानाछ जिद्दी लिएको
बचाऊँ भनी बूँदले के गरोस् खै ? गली जान मान्छे बतासा हुँदैछ !
बूँद राना :
भयो जे भयो भन्छ- खासा हुँदैछ
यहाँ आज मान्छे तमाशा हुँदैछ !
छ जिद्दी लिएको बिलाएर जाने
घटी तौल रत्ती र मासा हुँदैछ !
कहाँ सुन्नु यौटै कुरा सान्त्वनाको
गुनासा छँदैछन् गथासा हुँदैछ !
बसेको छ खेली जुवा जिन्दगीको
कतै क्यासिनो तास पासा हुँदैछ !
डढेलो बनेको छ त्यो खास खेलो
खरानी भरोसा र आशा हुँदैछ !
बचाऊँ भनी बूँदले के गरोस् खै ?
गली जान मान्छे बतासा हुँदैछ !
०००
रूपन्देही
Subscribe
Login
0 Comments
Oldest
