नेपाली हास्यव्यङ्ग्य अनलाइन पत्रिका

सुदन लुइटेल :

दार्चुलामा तुइन काट्यो, थाहा छ कि छैन हजुर ?
छिमेकीले ढाँट्नु ढाँट्यो, थाहा छ कि छैन हजुर ?

आफ्नै छातिमाथि बाटो खोल्दा टुलुटुलु हेर्ने मात्र
लिपुलेकको जमिन छाट्यो, थाहा छकि छैन हजुर ?

वैधअवैध कसरी कमायो बुझ्नु पर्छ राज्यले
बेइमानीले इमान साट्यो, थाहा छ कि छैन हजुर ?

वादैवादले बर्बाद पार्यो आफ्नै मात्र गोजी भर्यो
विदेशीको तलुवा चाट्यो, थाहा छ कि छैन हजुर ?

जताततै हावाहुण्डरी अनि कालोमैलो अन्धकार
मानिसकाे मन फाट्यो, थाहा छकि छैन हजुर ?

०००
चन्द्रागिरी, काठमाडाैं