नेपाली हास्यव्यङ्ग्य अनलाइन पत्रिका

तेजविलास अधिकारी :

(एक)
चुनावमा मात्र दिने हो नारा र आश्वासन
चाहन्छ जन हाताहाती न्याय र सुशासन
सेवक हूँ भनेर त सेवा पो गर्ने होला नि !
खै कोसँग माग्ने हो छाना नाना र रासन ।

(दुई)
चाहना छ अभिभावकले संरक्षण गरोस्
श्रमिकले पनि साँझ विहान उदर भरोस्
नेतृत्व के सोच्दैछ कुन्नि सबै जान्ने छन्
व्यवहार त भन्दैछ मानौं निमुखा मरोस् ।

(तीन)
जान्नेलाई छानिएको छ केही होला कि !
शिर ढलेको छैन वीरको केही होला कि !
त्यस्तै गल्ती दोहोरिए भने त पटकपटक
सत्र पुस, भदौ बयासी फेरि होला कि !

०००
इच्छाकामना- ३, चितवन