नेपाली हास्यव्यङ्ग्य अनलाइन पत्रिका

सीताराम नेपाल :

१
लुतो फाले झैँ फालौ अब निराशा
कुण्ठा नपालौ सधैँ जगाउ आशा
बडादशैंको यो ठूलो महोत्सवमा
समाजवादी बाटो रोजौ पालेर जिग्याशा ।

२.
राजनीतिमा सोझो औँलाले घ्यु नआउने रहेछ
छलकपट बिना नेता हुन कोही नसक्ने रहेछ
कैयौँ घात अन्तरघातमा सफल भएपछि बल्ल
नेतृत्वको सिढी चढ्ने हो नत्र पालो नआउने रहेछ ।

३.
मनको दैलो खोली पर्खेको मैले धेरै भयो
तिम्रो स्वागत गर्न नपाउदा म रोएको धेरै भयो
बोलीको पक्का तिमी बिना खबर बेपत्ता भयौ किन
तिमीलाई मनपर्ने फूलहरू नहाँसेको धेरै भयो ।

०००
काठमाडाैं