नेपाली हास्यव्यङ्ग्य अनलाइन पत्रिका

सीताराम नेपाल :

“म हिँड्ने डुल्ने मान्छे । हिँड्न चाहन्छु। नरोक मलाई !”
– “हिड्नु हुन्न तपाईं। लड्नु होला ! कमजोर हुनुभएको छ। म सहारा दिन्छु।……”
-“चाहिदैन कसैको सहारा ! मेरा हातखुट्टा सग्लै छन् । मैले देशको लागि केही गर्न बाकी नै छ ।”
चेतनबाबु बसिरहेको ठाउँबाट उठ्न खोज्यो तर उसको सचेतनाले मानेन र भन्यो –
-“पख्नुस् !अहिले बेला भएको छैन। हतार नगर्नुस् !”

– “को होस् तँ ? मलाई रोक्ने ! जेनजी होस् ?”
चेतनबाबुले झर्केर सोधेपछि
– “तपाईंको शुभ चिन्तक हुँ ! असल साथी भन्दा पनि असल !”
सचेतना र चेतनबाबु सवाल जवाफ गरिरहे ।

– “बसेको स्थानबाट उठ्न नदिने पनि असल साथी हुन्छ त ?”
-“माफ गर्नुहोला ! हजुरको अवस्था जेनजी आन्दोलनले सिनित्तै बढारिएका
पुराना नेताहरूको जस्तै छ त म के गरौं ?”

०००
काठमाडाैं