तेजविलास अधिकारीनयाँ जोगी र नयाँ पाठ
जो लखेटिरहेछ पुरानाका नाममा गणतन्त्र संविधान अनि यस्तै विषय सबै संविधान भित्रै बसेर भनिरहेछ संसदमै पसेर... ।
तेजविलास अधिकारी :
सुनेको हो
के झोकमा हो कुन्नि
नयाँ जोगीले भनेछ
म रहेको देश
अरुको पनि …
शायद
यति बोल्नु
समर्थनमा मत हेर्नु
थियो उसको लागि
नुन सोझो धर्म
नयाँ
नयाँ नै हो
यो जोगी जोदाहा छ
केही त गर्छ गर्छ
कि ! सुम्पन्छ अर्कोलाई
कि ! यहाँ अरु भर्छ ।
भोका
नाङ्गा
अनि
अघाएका सबैलाई
एकतामा ल्याएर
गरिबको चमेली गीत गाउँदै
देश रोएको हेर्न नचाहने
त्यो जोदाहालाई
अरुसँग तुलना गरेर
हुँदै हुन्न
ऊ त
यस्तो महान योद्धा हो
जसको एक सर्को आदेशले
राष्ट्रिय झण्डा ओढेर
जलाइयो सर्वोच्च
खरानी पारियो सिंहदरवार
सखाप पारियो
राष्ट्रिय सम्पत्ति
अहा !
हो यस्तै जोदाहा
यस्तै तरङ्गी
नयाँ जोगी
जो
लखेटिरहेछ
पुरानाका नाममा
गणतन्त्र
संविधान
अनि
यस्तै विषय सबै
संविधान भित्रै बसेर
भनिरहेछ संसदमै पसेर
हामीले पनि मिचेका छौं … ।
०००
काठमाडाैं
सुन्दर रचना।