मरुभूमि नारायणजार खाटमुनि लुकेको राम्रो
मायामै स्वस्त हुने रहेछ यो झुर जिन्दगी दुष्टिको मया पाउन गल्ली ढुकेको राम्रो । कता गए गौवा कता गए ठेकी हराए सबै अब मदानी बिना नै नौनी झिकेको राम्रो ।
मरूभूमिनारायण :
ढाडै कक्रक्क कुप्रिने गरी झुकेको राम्रो
डाँकै नआउँदा पनि कुकुर भुकेको राम्रो ।
मान्छेहरु पीडामा आँसु सुकाएर रुन्छन्
तिनी आँसु भन्दा त आँखै सुकेको राम्रो ।
हामी हाम्रा संस्कार संस्कृति मास्दै जाऊँ
उम्रिदैको बच्चाले एबीसीडी सिकेको राम्रो ।
स्वास्नी छोडेर परदेश जान्छन् लोग्नेहरु
घर आउँदा जार खाटमुनि लुकेको राम्रो ।
मायामै स्वस्त हुने रहेछ यो झुर जिन्दगी
दुष्टिको मया पाउन गल्ली ढुकेको राम्रो ।
कता गए गौवा कता गए ठेकी हराए सबै
अब मदानी बिना नै नौनी झिकेको राम्रो ।
पिरतीको चोटले कति मानिस घाइते छन्
मध्यरातमा पूरै नाइटो भुँडी दुखेको राम्रो ।
०००
तनहुँ
Subscribe
Login
0 Comments
Oldest
