पोष्टराज चापागाइँ….नीतिका कुरा
तिम्ले अति नै गर्यौ दलनीतिका कुरा
कस्तो सजिलै गर्यौ छलनीतिका कुरा
जैले नि कुरा गर्यौ विजुली नबल्नुको
कैले र कहाँ गर्यौ ? जलनीतिका कुरा
पर्खुन् जनता रुँदै सयसाल फैसला
निर्णायक भै रहे बलनीतिका कुरा
सम्झ्यौ उपदेश याँ कहिले र बुद्धका ?
बिर्स्यौ र त याँ भए कलनीतिका कुरा
तिम्रै तकरारले खति भाछ ‘राज’ यो
आऊ सबले गरौँ हलनीतिका कुरा ?
Subscribe
Login
0 Comments
Oldest
