नेपाली हास्यव्यङ्ग्य अनलाइन पत्रिका

ठट्टा नसम्झ मन्त्री
मन्त्री हुन सजिलो छैन ।
सजिलो छैन अब गोडा बन्द भएकी
आँखा ओझेल परेकी
औलाहरू बास बसेका हातकी आमाको भोट पाउन ।
बाबु ओछ्यान परेका छन् यो हिउँददेखि
उनका कान यो हिउँदसम्म सग्लै बसून्
संविधानले उनको रक्षा गरेको सुन्न आफैंले ।
ठट्टा नसम्झ नेता महोदय
तिम्रो भर्ती केन्द्रमा गभिर्त छन् शिशुहरू
कहाँ छ तिम्रो सुलभ सुपरमार्केट ?
जहाँ शिशुहरूका लागि छन् न्याना सुइटर ।
सुत्केरीका लागि उपलब्ध छ पोषिलो खाना ।
छन् त एउटा छानु र चारवटा भित्ताहरू ?
के फेर्यौ र देशको अनुहार तिमीले
नदीमा पैसा चढाउने उद्योग अझै छ
न रोकिएको छ नदी किनारमा पिसाब फेर्ने कारखाना
संसदमा वाकिरहेछौ आमाचकारी गालीहरू
सोझ्याई रहेछौ अश्लील औँलाहरू अर्को ध्रुवतिर
र कमाएका छौ इतिहासको सबभन्दा चर्को इनाम ।