नेपाली हास्यव्यङ्ग्य अनलाइन पत्रिका

एक
पहाडले बाटो छेक्यो भने पहाड बोक्न सकिन्न क्यारे
उर्लेर सुनामी आयो भने सुनामी रोक्न सकिन्न क्यारे
नसोध्नु मलाई कि म किन सडकमा भागिरहन्छु
कुकुरले टोक्न आयो भने कुकुरलाई टोक्न सकिन्न क्यारे !

दुई
मनमा त लागेको हो साँच्चैको लोकतन्त्र आए हुन्थ्यो
पहिलेभन्दा मिली सबले एकता–गीत गाए हुन्थ्यो
बन्दमा अवज्ञा गर्नै नपाइने यस्तो जमाना आएपछि
कतैबाट अब पहिल्यै बन्दको लोडसेडिङ पाए हुन्थ्यो ।
हाल, काठमाडौं