नेपाली हास्यव्यङ्ग्य अनलाइन पत्रिका

रबैया
क्रान्तिकालमा नेताहरू
समानताको कुरा गर्थे ।
अन्तरिम कालमा उनीहरू
प्रतीक्षाको घडा भर्थे ।
बाह्र वर्षमा धोती न टोपी
बनाएछन् प्रजातन्त्रलाई ।
मौका परे तिनीहरू–
अरु देशमै पो डेरा सर्थे ।

हविगत
अस्पतालहरू सुविधाविहीन बनाइएपछि
नर्सिङ् होमहरू एक्कासी चम्किए ।
पैसा जम्मा गरेर रोगी हुनै पर्ने संस्कारले
जनता खुम्चिए, डाक्टरहरू सन्किए ।

पुनर्जागरण
कृषि, स्वास्थ्य, शिक्षा, उद्योग
राष्ट्र कतै पनि लागेको छैन ।
जताततै असरल्ल समस्याका थुप्राहरू छन्–
उन्नति गर्ने पुनर्जागरण अझै जागेको छैन ।

अमेरिका
अमेरिका धनी डलरको देश
यहाँ अमेरिका शान्तिको सन्देश ।
गरिब र स्वाभिमानी सबै उसका शत्रु–
बाहिर नर, भित्र वानरको भेष !!
मन्थली, रामेछाप