नेपाली हास्यव्यङ्ग्य अनलाइन पत्रिका

१.जागिर
यो नपाइन्जेल अलङ्कार
पाएपछि पुरस्कार
हुनुपर्ने परिष्कार
भइरहेछ –बेकार ।

२. राजनीति
फल पाउनेका लागि
राजनीति एउटा नशा हो,
फल नपाउनेका लागि
मन्साएर नमन्सिने
पन्साएर नपन्सिने
साढेसातको दशा हो ।

३.विवाह
आफू खुसीको दरबन्दी
आफ्नै तोकादेशमा
निःशुल्क दर्ता हुने
एउटा निवेदन ।

४. मृत्युु
भ्रष्टाचारको दलदलमा अनेकौं भासहरू छन्
नेतृत्वको वाणीमा गन्हाएका सासहरू छन्
देशै चिहान बनेपछि मृत्यु सस्तो हुँदो रै’छ
आज हिमाल, पहाड तराई जताततै लासहरू छन् ।

मन्थली, रामेछाप