नेपाली हास्यव्यङ्ग्य अनलाइन पत्रिका

खुल्ला कालाबजारी, मुलुकभर बढ्यो, छैन सर्कार छैन
भन्छन् सर्कार आँफै, मिलिभगत हुँदा, देशमा आमचैन ।
चर्का कालाबजारी, टुलुटुलु कसरी ? हेर्दछन् शीर्ष–सत्ता
झर्का कालाबजारी, पुलुपुलु कसरी ? हेर्दछन् भ्रात्रिसत्ता ।।१।।

सर्कारैले उराल्यो, विधिरहित बनी, घोर कालाबजारी
सर्कारैले उचाल्यो, डन उपडन वा, छोरा डाँका मदारी ।
सर्कारै नामधारी, सबतिर लफडा–हूलदङ्गा — फसाद
पार्टी नेता भनेका, धनपति डनका, प्राणवायु बतास ।।२।।

हा ! हा ! पुत्ला उपल्ला, मुलुक धन कयौं, क्या मजाले लुकायौ
गोर्खाली शान सग्ला, ऋृषिमुनि जनका, ज्ञान अग्ला झुकायौ ।
चर्क्यो बेमेल द्वन्द्वै, किन किन जन हो, छैन सर्कार धीर
थोत्रा नेत्रित्व फाली, तरुण मन लिई, आउ है कर्मवीर ।।३।।

धादिङ