नेपाली हास्यव्यङ्ग्य अनलाइन पत्रिका

ईन्धन छैन भने पनि सवारीको लाम देख्छु
अचम्म छ ! सडकभरि सवारीकै जाम देख्छु ।

कोही भन्छन् रावणहरू साँधमा बस्दै बाँण हान्दैछन्
ऐना हेर्छु, बाँण हान्ने त घरभित्रकै राम देख्छु ।

जब हार्छ, अरूलाई दोषी ठान्छ सकुनीले
जस्तोसुकै अप्ठेरोमा सकुनीकै याम देख्छु ।

नाकाबन्दी जसले गर्यो, उसैलाई असर पर्यो
अब भने मेरो थोत्रो साईकलको पो काम देख्छु ।

चर्चित पनि यति भएँ ! मित्रहरू छुट्दै गए
शत्रुका ती ओंठमा मात्र ‘आनन्द’को नाम देख्छु ।