आनन्द श्रेष्ठचिथार्नेहरू छन्
मरेको छ आत्मा, जलेको छ छाती खरानी जताई बढार्नेहरू छन्
आनन्द श्रेष्ठ :
म अग्लो भएमा पछार्नेहरू छन्
दुवै हात जोडी झपार्नेहरू छन्
थियो जो नजिकमा बन्यो दूर बस्ने
समीप् ? आँसु झार्दै नझार्नेहरू छन्
चले तीव्र हावा बनाएर दोषी
चुईंक्कै नबोली सकार्नेहरू छन्
मरेको छ आत्मा, जलेको छ छाती
खरानी जताई बढार्नेहरू छन्
छ “आनन्द” भन्दै, कतै चुम्न थाले
निचार्ने, बजार्ने, चिथार्नेहरू छन्।
०००
Subscribe
Login
0 Comments
Oldest
