नेपाली हास्यव्यङ्ग्य अनलाइन पत्रिका

बद्रीप्रसाद दाहाल :

बिदाको देश हो हाम्रो, सिधा त्यस्सै बजाउँने ।
हल्लाको देश हो राम्रो, जिब्रो सक्दो नचाउँने ।।
अनुवाद गर्याैँ नेता, राजाकै कोटिमा जब ।
सुविधा र बिदा मिल्दा, प्रजाझैँ बन्दछाैँ शव ।।

परिवर्तन आएन, गुलामी यी दिमागमा ।
हल्लाकै बलमा चल्ला, छाडा बन्छन् त गाउँमा ।।
हल्लामै छ खुसी नेताे कर्महारा बिदाप्रिय ।
पछुवा तिनका उस्तै, खुराफाती र अप्रिय ।।

मनि -मसल नाताले, खातामा नाम चढ्दछ ।
हल्लाकै बलमा उक्ले सत्ताशिखरमा जब ।।
क्यासीनो रेष्टुरा डुल्दै बिदाको घोषणा गर ।
बिदा – हल्ला दुबैबाट बेमानी जतिकाे जय ।।

पर्व गर्व तथा गर्भ, बिदा भ्रमण – छन् कति ।
असङ्ख्य दिवसै छुट्टी, गन्नै मुस्किल भो अति ।।
हल्ला निन्दा र गाली ओै बिदाकाे उर्वरा जिमी ।
बाँझा खेत र बारीमा भुत्रा धान मकै सिमी ?

०००
धादिङ