नेपाली हास्यव्यङ्ग्य अनलाइन पत्रिका

भमरा भमराउँछन्, छोरी क्याम्पस गएपछि
चिलले झैं टिपि लान्छन्, रूप राम्रो भएपछि ।

रूपमा कमसल छोरी, कत्ति गर्दा नि बिक्दैनन्
रूपका राम्री छोरी, माइतमा धेर् टिक्दैनन् ।

गिद्धले झैं सबै घेर्छन्, छोरी राम्री देखेपछि
छोरी पनि पर हुन थाल्छे, प्रेम–पत्र लेखेपछि ।

छोरीको रूप बिग्रन्छ, बि.ए., एम.ए. थालेपछि
रूप घट्छ बुद्धि बढ्छ, पि.एच.डि.मा लागेपछि ।
त्यसैले–
शीलवती छोरी जन्मे, पढुञ्जेल पढाउँनू
रूपवती छोरी जन्मे, शीघ्र डोली चढाउँनू ।
चन्द्रगढी–१, केन्द्रमोड, झापा
९८४२६२६५६६ (डुलुवा फोन)