बाबुराम पाेखरेलतीन ठोक्तक
कति मीठो त्यो जुलेवी कतै छैन दुलो बनाउनेले बिना दुलो रस कसरी हुल्यो ? यस्तै कुरा गर्थ्याे हर्केसाइँलो नेता हुनु अघि- सिंहदरबार छिरेपछि सबै कुरा भुल्यो !
१.
आमाले भन्थिन् बाबु भोकै नबस नुनभात भए पनि अघौंजी खाऊ !
बाबाले भन्थे बाबु अक्षर नछोडी पढ सधैं स्कुल जाऊ
तर अहिले श्रीमतीले भन्छिन् अरु जे सुकै गर मेरो भन्नु केही छैन-
तलब थापेको भोलिपल्ट कतै दायाँबायाँ नगरी पैसो लिएर खुरुक्क घर आऊ !
२.
परार साल मैले शुद्ध दुधमा अलिकति पानी मिसाएर बेचेँ, त्यसले मलाई फलिफाप भएन,
पोहोर साल शुद्ध दुधमा अलिकति पानी मिसाएर बेचेँ, त्यसले पनि मलाई उँभो लाउँदै लाएन,
यसपालि त विचारमा परिवर्तन गरेँ हजुर
शुद्ध दुधमा पानी होइन- शुद्ध पानीमा अलिअलि दुध मिसाएर बेच्दा मलाई त पैसा थन्क्याउने फुर्सदै भएन !
३.
कति मीठो त्यो जुलेवी कतै छैन दुलो
बनाउनेले बिना दुलो रस कसरी हुल्यो ?
यस्तै कुरा गर्थ्याे हर्केसाइँलो नेता हुनु अघि-
सिंहदरबार छिरेपछि सबै कुरा भुल्यो !
चन्द्रगढी, झापा
