नेपाली हास्यव्यङ्ग्य अनलाइन पत्रिका

तारादेवी र रुक्माङ्गद न्यौपानेका सुपुत्र घनश्याम न्यौपाने २०१५ असार ५ गते स्याङ्जामा जन्मिनुभएको हो । नेपाली विषयमा स्नातकोत्तर, गजलमा विद्यावारिधि हासिल गर्नुभएका न्यौपाने प्राध्यापन सेवाबाट निवृत्त हुनुहुन्छ । २०३२ सालमा ‘जागजाग’ शीर्षकको कविता प्रकाशन गरी साहित्यमा प्रवेश गर्नुभएका न्यौपानेको पहिलो कृतिको रूपमा ‘अन्त्यमा’ (खण्डकाव्य, २०३६) प्रकाशन भएको थियो । उहाँका ‘यो मौसम’ (गजलसङ्ग्रह, २०५०), ‘साहित्य सन्दर्भ’ (समालोचनासङ्ग्रह, २०५५) लगायत दर्जनभन्दा बढी साहित्यिक कृतिहरू प्रकाशित छन् । उहाँले ‘सगर’, ‘रजस्थल’, ‘अनुराग’ लगायत थुप्रै पत्रिकाहरूको सम्पादन गर्नुभएको छ । न्यौपाने राष्ट्रिय शिक्षा पुरस्कार (२०४६), महेन्द्र विद्याभूषण ‘क’ (२०६२), त्रि.वि.उत्कृष्ट सेवा पुरस्कार (२०६९) लगायत सम्मान तथा पुरस्कारद्वारा सम्मानित, पुरस्कृत हुनुहुन्छ । सम्पर्क : ९८५७०२२२०९, ९८४७०२३०१२