नेपाली हास्यव्यङ्ग्य अनलाइन पत्रिका

कल्पना अधिकारी :

सद्भाव साथ ममता सबमा दिएर
सङ्घर्षका दिनहरू पनि बिर्सिएर
छन् धीर कर्म पथमा, महिमा उकास्न
वृद्धाहरू सबल छन् अब राज्य हाँक्न ।१।

उत्साह जोस मनमा दरिलो लिएर
सन्ताननिम्ति पसिना श्रम अर्पिएर
भन्छन् सधैँ प्रगतिको शिर पर्छ ताक्न
वृद्धाहरू सबल छन् अब राज्य हाँक्न ।२।

हुन्छन् निकै अनुभवी घरबार गर्न
सक्छन् अझै पनि खटी नव ज्योति छर्न
सम्मान आदर गरी नित पर्छ राख्न
वृद्धाहरू सबल छन् अब राज्य हाँक्न।३।

कार्की सुशील पनकी प्र. म आज हेर
हेप्थे निकै पुरुषले लँगडी भनेर
निष्ठा असाध्य बलियो हुनुपर्छ आँट्न
वृद्धाहरू सबल छन् अब राज्य हाँक्न।४।

यी हुन् उदाहरण वा उपमा सुपात्र
कर्तव्यबोध, दृढता मनभित्र चित्र
यो कार्यको कुशलता अब पर्छ सिक्न
वृद्धाहरू सबल छन् अब राज्य हाँक्न।५।

०००