नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

पहिले त उहाँ आफ्नै नियमानुसार चल्नु भएछ !
अहिले आएर रोग र शोकले निकै गल्नु भएछ !!

समयले पनि कोल्टे फेर्छ भनिन्छ, देख्नुभयो ?
पछुताएर आज हात आफ्नो बेस्सरी मल्नु भएछ !!

किन औडाहा छुट्छ मान्छेलाई अरूको प्रगतिमा !
हेर्नुस् त उहाँलाई ईर्ष्याले कति सारो जल्नु भएछ !!

कसैको केही सुन्नै नचाहने रहेछ उहाँको स्वभाव !
आफ्नाहरूबाटै एक्लिएर अन्ततः डेरा बदल्नु भएछ !!

बैगुनीलाई गुनलेनै जित्ने प्रयासमा थिएँ म चाहिँ !
तर अफसोस ! उहाँ त अस्ती नराम्ररी ढल्नु भएछ !

०००