नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

मोहभड्गमा परिणत तब बिचराको ‘आस’ भएछ
विरोधीको मतियार जब उसको आफ्नै खास भएछ

मेयरमा जिताए जो जसले पुरै टोलको भलो सोचेर
डोजरले धराशयी कसरी उसको आफ्नै आवास भएछ

निकै सुसंस्कृत पो थियो हाम्रो यो समाज कुनै जमाना
गतिलो शिक्षाबाट वंचित धेरैको रोजाई अब तास भएछ

‘पोथी बासे घर बिग्रन्छ” भन्ने सुनिन्थ्यो देखिहाल्यौं पनि
कैकेयीकै कारणले नै त भगवान रामको वनवास भएछ

‘मणी’ लाई चिन्न नसकेर अचेल भिल्लको यो देशमा
धेरै होनहार कवि-कलाकाकारको आज उपहास भएछ ।

०००
काठमाडाैं