नेपाली हास्यव्यङ्ग्य अनलाइन पत्रिका

ज्ञानुवाकर पाैडेेल :

(१)
न त आफूलाई चाहिनेभन्दा बढी कमाईयो
न त आफ्नो कुनै इच्छा आकांक्षा दवाइयो
चारदिनको जिन्दगी लिई संसारमा आएथें-
दुईदिन नै भएपनि जिन्दगीमा खुब रमाइयो ।

२)
न त कहिल्यै कसैलाई चिढाइयो
न त कहिल्यै कसैसित रिसाइयो
संतुलित जीवन बांच्नु कला रहेछ-
ऐले यो उमेरमा आएर था’पाइयो !

(३)
निन्दकहरू आफू विरूध्द जुट्दा पनि कहिल्यै दुःखी भइएन
आफ्नाहरूले नै आफूलाई लुट्दा पनि कहिल्ये दुःखी भइएन
आफ्ना पीडाहरू त अब साथी जस्तै पो भइसक्यो मेरो –
प्रेयसीसितको लामो साथ छुट्दा पनि कहिल्यै दुःखी भइएन ।

०००
काठमाडाैं