नेपाली हास्यव्यङ्ग्य अनलाइन पत्रिका

झाँक्रीखाेले :

उद्योग खोलिएमा यी गाउँ छन् विशेष
छोडी विदेश आऊन् छोराहरू स्वदेश
सेवा बुढाबुढीको गर्दै गरून् विकास
आधार ज्येष्ठको होस् साथी बनोस् समाज ।।१

वृद्धाश्रमी नपारून् आफन्त पूज्यलाई
सेवा दिऊन् घरैमा सत्कारले सजाई
बाजेबजू सबैका आदर्शपुञ्ज ताज
आधार ज्येष्ठको होस् साथी बनोस् समाज ।।२

दीर्घायु जीवनी होस् ऊर्जा दिने विशेष
जित्दै युवा चुनौती पाका बनून् रहस्य
ज्ञानी दिएर आँखा हर्षाश्रु रात साँझ
आधार ज्येष्ठको होस् साथी बनोस् समाज ।। ३

आफ्नो विमान छुट्ने यात्रा नहोस् जवानी
श्री पूज्य हुन् सुबिस्तै आरोग्य जिन्दगानी
योगा समाधि साध्वी तल्लीन गाउँमाझ
आधार ज्येष्ठको होस् साथी बनोस् समाज ।।४

पुर्खा सुकीर्ति गाई उठ्तै छ यो बिहान
दीर्घायु साँच्नलाई लेखिन्छ संविधान
फिर्ता निवास आऊन् वृद्धाश्रयी छ राज्य
आधार ज्येष्ठको होस् साथी बनोस् समाज ।।५

०००
२०८३।०६।०६
झापा