नेपाली हास्यव्यङ्ग्य अनलाइन पत्रिका

‘झाँक्रीखोले’ :

वृद्धायु हुन्छ भयको मनरोग चोट
सन्तानदृष्टि कम हो कि ! रहन्छ खोट
जे शोक पर्न नदिनू तिनमा तमाम
यी ज्येष्ठनागरिकमा छ सदा प्रणाम।।१

आराधना गर उठी शिव,विष्णु,कृष्णा
वंशी बजाउनु परे गर ध्यान कृष्ण
वृद्धालु तुष्ट रहने गरियोस् सुकाम
यी ज्येष्ठनागरिकमा छ सदा प्रणाम।।२

सेवा गरे श्रवणले उपकार धेर
आमाबुबाप्रति ऋणी विनयी बनेर
पाऊन् कृतार्थ हुन वा परमार्थ धाम
यी ज्येष्ठनागरिकमा छ सदा प्रणाम।।३

छोरा गणेश शिवजी पुरु वा ययाति
सद्भक्ति वृद्धगणमा गुणको प्रशस्ति
गाई सुसन्तति उठून् हुनुपर्छ राम
यी ज्येष्ठनागरिकमा छ सदा प्रणाम।।४

यो लोक पुण्यगृह पार्न तिनी उदाए
हाम्रो भविष्य उजिल्याउन जम्जमाए
त्यो त्यागनिम्ति बदला दिनुपर्छ काम
यी ज्येष्ठनागरिकमा छ सदा प्रणाम।।५

०००
झापा
२०८३।०३।२१