नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

१.
मुस्लिमलाई लाग्दो रहेछ कुरान प्यारो
हिन्दुलाई चाहिं लाग्दो रहेछ पुरान प्यारो
ईसाईले जतिसुकै मनपराए पनि बाइबल-
मलाई भने लागीरहेछ तिम्रै मुस्कान प्यारो ।

२.
सकिनै लाग्यो मेरो यो जीबन बहार सत्ते
गर्दैछु म अझै पनि तिम्रो इन्तजार सत्ते
नपाएर मैले कुनै दिन, न्यानो साथ तिम्रो-
जिन्दगी यो मलाई लागिरहेछ बेकार सत्ते ।

३.
सन्देहास्पद पो देखिन्छ यो देशको भविष्य हेरिराख
कस्तो देखिने हो अब यो मुलुकको परिदृष्य हेरिराख
सुशासन भन्दै राजस्व-दोहन पो गरेछन् नेताले देशको
जुर्मुराई जाग्दैछन् है फेरि जनताहरू अबश्य हेरिराख !

४.
भेटिन्छन् जो जो आजकल ती सब सारै दुःखी देखिन्छन्
आफ्नो हैसियतभन्दा बढी देखिन चाहेको सुखी देखिन्छन्
लिने गर्थ्यौं जो-जोसित शिक्षा सदाचार र नैतिक शिक्षाको
धाउने गरेको उनै पो मदिरालयमा लुकी लुकी देखिन्छन् ।

०००
काठमाडाैं